ກອງປະຊຸມຜູ້ບໍລິຫານການສຶກສາເມືອງສີໂຄດຕະບອງ
ກອງປະຊຸມຜູ້ບໍລິຫານການສຶກສາຂອງເມືອງສີໂຄດຕະບອງ ນະຄອນຫຼວງວຽງຈັນ (ນວ) ຈັດຂຶ້ນວັນທີ 11 ກັນຍາ 2020 ທີ່ໂຮງຮຽນມັດທະຍົມສຶກສາຕອນປາຍມິດຕະພາບ ນວ-ໂຮ່ຈີມິງ (ມັດທະຍົມສຶກສາຕອນປາຍສີໂຄດຕະບອງ) ເປັນປະທານຂອງທ່ານ ມິນີຫົງ ຈັນທະວົງສາ ຫົວໜ້າຫ້ອງການສຶກສາທິການ ແລະ ກີລາ ເມືອງສີໂຄດຕະບອງ ທ່ານນາງ ສົມປະເສີດ ສີຫາລາດ ຄະນະປະຈຳພັກ ຫົວໜ້າຄະນະໂຄສະນາອົບຮົມເມືອງ ມີທ່ານຮອງຫົວໜ້າຫ້ອງການສຶກສາເມືອງ ຄະນະຜູ້ບໍລິຫານການສຶກສາ ຜູ້ອຳນວຍການໂຮງຮຽນ ອຳນາດການປົກຄອງ ແລະ ພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມໄດ້ຮັບຟັງການລາຍງານໂດຍຫຍໍ້ ກ່ຽວກັບການຈັດຕັ້ງປະຕິບັດແຜນພັດທະນາການສຶກສາ ປະຈຳສົກຮຽນ 2019-2020 ແລະ ແຜນພັດທະນາການສຶກສາປະຈຳສົກຮຽນ 2020-2021 ຈາກທ່ານ ມະນີຫົງ ຈັນທະວົງສາ ເຊິ່ງທ່ານໄດ້ແຈ້ງໃຫ້ ຊາບວ່າ: ເມືອງສີໂຄດຕະບອງຕັ້ງຢູ່ໃນເທດສະບານ ນວ ແບ່ງອອກເປັນ 2 ເຂດຄື: ເຂດຕົວເມືອງກວມ 80% ແລະ ເຂດຊານເມືອງ 20% ຂອງເນື້ອທີ່ທັງໝົດ ທົ່ວເມືອງມີໂຮງຮຽນທັງໝົດ 146 ແຫ່ງ ໃນນັ້ນມີໂຮງຮຽນພາກເອກະຊົນ 93 ແຫ່ງ ຊັ້ນອະນຸບານ 46 ແຫ່ງ ພາກເອກະຊົນ 44 ແຫ່ງ ຊັ້ນປະຖົມມີ 70 ແຫ່ງ ພາກເອກະຊົນ 32 ແຫ່ງ ຊັ້ນມັດທະຍົມຕອນຕົ້ນ 19 ແຫ່ງ ພາກເອກະຊົນ 10 ແຫ່ງ ຊັ້ນມັດທະຍົມຕອນປາຍ 2 ແຫ່ງ ຊັ້ນມັດທະຍົມສົມບູນ 9 ແຫ່ງ ພາກເອກະຊົນ 7 ແຫ່ງ.
ຜ່ານການຈັດຕັ້ງປະຕິບັດວຽກງານຈຸດສຸມ ແລະ ຍຸດທະສາດຕ່າງໆທີ່ກຳນົດໃນສົກຮຽນ 2013-2020 ຜ່ານມາ ເຫັນໄດ້ວ່າໃນຈຳນວນ 15 ຄາດໝາຍຫຼັກທີ່ກຳນົດໃນແຜນ ມີ 5 ຄາດໝາຍເທົ່ານັ້ນທີ່ບັນລຸຕາມແຜນ ແລະ 3 ຄາດໝາຍທີ່ໃກ້ຈະບັນລຸຄາດໝາຍທີ່ບັນລຸອັດຕາຂອງເດັກ 5 ປີ ເພີ່ມຈາກ 99,55% ມາເປັນ 100,17% ອັດຕາເຂົ້າຮຽນລວມ ມ ຕົ້ນ ເພີ່ມຈາກ 95,95% ມາເປັນ 98,31% (ຄາດໝາຍ 97%) ອັດຕາລອດເຫຼືອຊັ້ນປະຖົມຮອດ ປ-5 ເພີ່ມຈາກ 93,51% ມາເປັນ 95,83% (ຄາດໝາຍ 95%) ອັດຕາເຂົ້າຮຽນລວມໃໝ່ ຂັ້ນ ມ-4 ເພີ່ມຈາກ 86,13% ມາເປັນ 91,34% 5) ອັດຕາເຂົ້າຮຽນລວມໃໝ່ ປ-5 ຈາກ 100,61% ມາເປັນ 99,55 % ຄາດໝາຍທີ່ໃກ້ຈະບັນລຸ ອັດຕາປະລະຂັ້ນ ປ-1 ຈາກ 2,5% ມາເປັນ 0,2% (ຄາດໝາຍຂອງ ນວ ແມ່ນ 1%) ອັດຕາຄ້າງຫ້ອງຊັ້ນປະຖົມຈາກ 3,6% ມາເປັນ 3,2% (ຄາດໝາຍຂອງນະຄອນຫຼວງແມ່ນ 3% ) ອັດຕາປະລະຊັ້ນປະຖົມຈາກ 1.6% ມາເປັນ 1.1% (ຄາດໝາຍຂອງ ນວ ແມ່ນ 1%) ຄາດໝາຍທີ່ບໍ່ບັນລຸ ອັດຕາເຂົ້າຮຽນໃໝ່ສຸດທິຊັ້ນປະຖົມ ຈາກ 100% ມາເປັນ 99,05% ( ຄາດໝາຍ ນວ 100% ) ອັດຕາຄ້າງຫ້ອງຂັ້ນ ປ-1 ຈາກ 6,4% ມາເປັນ 5,3% (ຄາດໝາຍ ນວ 3%) ອັດຕາເຂົ້າຮຽນລວມຂອງຊັ້ນມັດທະຍົມຕອນປາຍຈາກ 84,89% ມາເປັນ 83,95% (ຄາດໝາຍ ນວ 86% ) ອັດຕາປະລະຂອງຊັ້ນມັດທະຍົມຕອນຕົ້ນຈາກ 3,84% ມາເປັນ 3.24% (ຄາດໝາຍ ນວ 2% ) ອັດຕາປະລະຂອງຊັ້ນມັດມະຍົມຕອນປາຍ ຈາກ 4,03% ມາເປັນ 4.69% (ຄາດໝາຍ ນວ 2% ) ວຽກງານການສຶກສາກ່ອນໄວ ຂະຫຍາຍຕົວເປັນທີ່ໜ້າເພິ່ງພໍໃຈ ທາງດ້ານປະລິມານ ແລະ ຄຸນນະພາບ ອັດຕາເຂົ້າຮຽນຂອງເດັກ 0-2 ປີ ເພີ່ມຂຶ້ນຈາກ ຂ3,65% ມາເປັນ 27,12% ອັດຕາເຂົ້າຮຽນຂອງເດັກ 3-4 ປີ ຈາກ 97,36% ມາເປັນ 98,60% ອັດຕາເຂົ້າຮຽນຂອງເດັກ 5 ປີ ເພີ່ມຂຶ້ນຈາກ 99,55% ມາເປັນ 100,17% ອັດຕາເຂົ້າຮຽນຂອງເດັກ 3-5 ປີ ຈາກ 98,19% ມາເປັນ 99,21% ຈຳນວນນັກຮຽນໃນຊັ້ນຮຽນການສຶກສາກ່ອນໄວຮຽນທັງໝົດເພີ່ມຂຶ້ນຈາກ 5.407 ຄົນ ມາເປັນ 5.524 ຄົນ ເພີ່ມຂຶ້ນ 117 ຄົນ.
ເພື່ອສືບຕໍ່ສ້າງຄວາມເຂັ້ມແຂງໃຫ້ແກ່ລະບົບການບໍລິຫານ ແລະ ຄຸ້ມຄອງການສຶກສາຂອງໂຮງຮຽນ ສົ່ງເສີມໃຫ້ປະຊາຊົນທຸກເພດໄວຫັນມາໃສ່ໃຈການອອກກຳລັງກາຍເພື່ອສຸຂະພາບ ແລະ ສົ່ງເສີມໃຫ້ຜູ້ທີ່ມີພອນສະຫວັນດ້ານກິລາ-ກາຍຍະກຳ ໃຫ້ກາຍ ເປັນນັກກີລາອາຊີບ ຄາດໝາຍຫຼັກ ເພີ່ມອັດຕາເຂົ້າຮຽນສຸດທິຊັ້ນປະຖົມສຶກສາ ຈາກ 99,05% ໃຫ້ບັນລຸໄດ້ 100% ຫຼຸດຜ່ອນອັດຕາປະລະການຮຽນຂອງນັກຮຽນ ປ-1 ຈາກ 2,17% ໃຫ້ຍັງເຫຼືອ 2% ຫຼຸດຜ່ອນອັດຕາຄ້າງຫ້ອງຂອງນັກຮຽນ ປ-1 ຈາກ 5,3% ໃຫ້ຍັງເຫຼືອ 4% ຫຼຸດຜ່ອນອັດຕາປະລະກາຮຽນຂອງນັກຮຽນຊັ້ນປະຖົມສຶກສາ ຈາກ 1,08% ໃຫ້ຍັງເຫຼືອ 1% ຫຼຸດຜ່ອນອັດຕາຄ້າງຫ້ອງຂອງນັກຮຽນຊັ້ນປະຖົມສຶກສາ ຈາກ 3,2% ໃຫ້ຍັງເຫຼືອ 2% ອັດຕາລອດເຫຼືອຮອດ ປ-5 ໃຫ້ບັນລຸ 98% ອັດຕາເຂົ້າຮຽນລວມຊັ້ນມັດທະຍົມຕອນຕົ້ນ ໃຫ້ບັນລຸ 99% ອັດຕາເຂົ້າຮຽນລວມຂັ້ນ ມ-4 ໃຫ້ບັນລຸ 95% ອັດຕາເຂົ້າຮຽນລວມຊັ້ນມັດທະຍົມຕອນປາຍ ໃຫ້ບັນລຸ 85% ສົ່ງເສີມໃຫ້ນັກຮຽນທີ່ຮຽນຈົບຊັ້ນມັດທະຍົມຕອນຕົ້ນ ໄດ້ເຂົ້າຮຽນຕໍ່ໃນສາຍອະຊີວະສຶກສາໃຫ້ໄດ້ 2% ສືບຕໍ່ສົ່ງເສີມມວນຊົນທຸກເພດ ທຸກໄວພາຍໃນເມືອງ ເຂົ້າຮ່ວມການຫັດກາຍຍະບໍລິຫານ ການອອກກຳລັງກາຍ ແລະ ການຫຼີ້ນກີລາເພື່ອສຸຂະພາບ ເຂົ້າຮ່ວມການສ້າງຂະບວນການເຄື່ອນໄຫວຈັດກິດຈະກຳການແຂ່ງກີລາປະຈຳປີ ກີລາວັນບຸນປະເພ ນີ ແລະ ກີລາວັນບຸນສຳຄັນຕ່າງໆຂອງຊາດ-ສາກົນ
