Intel ອອກ 11th gen CPU ຕອບໂຈດແລັບທັອບລຸ້ນບາງເບົາ

    

Intel-Tiger-Lake

Intel ໄດ້​ປະ​ກາດ​ປ່ອຍ CPU Gen 11th ຫລື Tiger Lake ອອກ​ມາ​ແລ້ວ ໂດຍ​ມຸ້ງ​ເນັ້ນ​ຕອບ​ໂຈ​ດການ​ໃຊ້​ງານ​ໃນ​ແລັບ​ທັອບ​ຄ້າຍ​ຕ່າງ​ໆ ທີ່​ມີ​ຄຸນສົມບັດ​ບາງ​ເບົາ

Intel_banner_logo


ເຖິງ​ຈະ​ບອກ​ວ່າ​ໃຊ້​ໃນ​ການ​ຜະລິດ​ແລັບ​ທັອບ​ທີ່​ມີ​ຂະໜາດ​ເບົາ​ແນວໃດ​ກໍ​ຕາມ​ແຕ່ Tiger Lake ກໍ​ຍັງ​ຄົງ​ມີ​ຂະໜາດ​ທີ່ 10nm ຢູ່​ດີ ແຕ່ Intel ກ່າວວ່າ​ຊິບ​ເຮັດ​ຄວາມ​ໄວ​ໄດ້​ຫລາຍກວ່າ​ເດີມ​ເຖິງ 20% ສຳຫລັບ​ງານ​ອໍ​ຟິດ​ທົ່ວ​ໄປ ແລະ​ ໄວ​ຂຶ້ນ​ເຖິງ 2 ເທົ່າ​ສຳລັບ​ຫລິ້ນ​ເກມ, ໃນ​ການ​ຜະລິດ​ຄອນ​ເທ້ນຈະ​ໄວ​ຂຶ້ນ 2.7 ເທົ່າ ອີກ​ຝັ່ງ​ຫນຶ່ງ​ໃນ​ດ້ານ​ປະ​ສິດ​ທິ​ພາບ​ຕົວ​ຊິບ​ເຊັດ​ເອງຍັງ​ສາມາດ​ຮອງ​ຮັບ Thunderbolt 4, PCIe Gen4, WiFi6 ລວມ​ເຖິງ​ຄວາມ​ສາມາດ​ດ້ານ AI ເຊັ່ນ​ການ​ເບ​ຼີ​ພາບ ຕັດ​ສຽງ​ອ້ອມ​ຂ້າງ ແລະ​ ການ​ຖອດລະ​ຫັດ​ວີ​ດີ​ໂອ

ອີກ​ເລື່ອງ​ໜຶ່ງ​ໃນ​ການ​ປະ​ກາດ​ເທື່ອ​ນີ້​ທາງ Intel ກໍ​ມີ​ຄວາມ​ຮ່ວມ​ມື​ກັບ​ທາງ​ພັນ​ທະ​ມິດ​ເພື່ອ​ສ້າງ​ແພລດ​ຟອມ​ເທິງ Gen 11th ແລະ Intel Iris X Graphic ຊຶ່ງ​ແພລດ​ຟອມ​ນີ້​ຊື່​ວ່າ Intel Evo ຈຸດປະສົງ​ກໍ​ເພື່ອ​ຮັບຮອງ​ແລັບ​ທັອບ​ທີ່​ມີ​ປະ​ສິດ​ທິ​ພາບ​ດີ (ຄ້າຍ​ໆ ວ່າ​ເປັນ​ມາດຕະຖານ​ຄຸນນະພາບ​ຜະລິດຕະພັນ) ໂດຍ​ຜູ້​ທົດສອບ​ທີ່​ຈະ​ໄດ້ຮັບ​ກາ Intel Evo ເຊິ່ງຜະລິດຕະພັນ​ຕ້ອງ​ມີ​ຄຸນສົມບັດ​ດັ່ງນີ້:

  • ມີ​ການ​ຕອບສະຫນອງ​ຂອງ​ແບດ​ເຕີ​ຣີ່​ຄົງ​ທີ່​ໃນ​ການ​ໃຊ້​ງານ​ລັກສະນະ​ຕ່າງ​ໆ 
  • Wake up ຈາກ​ການ Sleep ບໍ່​ເກີນ 1 ວິ​ນາ​ທີ
  • ແບດ​ອຶດ​ດົນ​ເກີນ 9 ຊົ່ວ​ໂມງ​ກັບ​ການ​ສະແດງ​ຜົນ FHD 
  • ສາກ​ໄວ​ແຄ່ເຄິ່ງຊົ່ວໂມງ ແຕ່​ໃຊ້​ໄດ້​ເຖິງ 4 ຊົ່ວ​ໂມງ

ຢ່າງໃດ​ກໍ​ດີ Intel ຍັງເວົ້າອີກຕື່ມ​ວ່າ​ຈະ​ມີ​ຜະລິດຕະພັນ​ທີ່​ສັ່ງ​ເຂົ້າ​ມາ​ໃຊ້ Gen11th ຈາກ​ຜູ້​ຜະລິດ​ຕ່າງ​ໆ ເຊັ່ນ Acer, Asus, Dell, Dynabook, HP, Lenovo, MSI, Razer, Samsung ແລະ​ອື່ນ​ໆ ລວມກັນ​ກວ່າ 150 ໂມ​ເດລ

 

ແຫຼ່ງຂໍ້ມູນ:

https://newsroom.intel.com/news-releases/11th-gen-tiger-lake-evo/